ਮੈਂ ਅਕਸਰ ਡਰ ਜਾਂਦਾ ਹਾਂ ਵਾਵਰੋਲਿਆਂ ਤੋਂ,
ਬੰਦੂਕਾਂ ਦੀ ਆਵਾਜ਼ ਤੇ ਮਜ਼੍ਹਬੀ ਰੌਲਿਆਂ ਤੋਂ।
ਜਦੋਂ ਦਹਿਸ਼ਤਵਾਦੀ ਲੁੱਟਦਾ ਹੈ ਇਨਸਾਨੀਅਤ ਨੂੰ,
ਰੋਕ ਨਹੀਂ ਪਾਉਂਦਾ ਮੈਂ ਉਸ ਦੀ ਹੈਵਾਨੀਅਤ ਨੂੰ।
ਨਾ ਰੋਕ ਸਕਾਂ ਮੰਦਿਰ ਮਸਜ਼ਿਦ ਦੇ ਵਿਵਾਦ ਨੂੰ,
ਰਾਮ, ਅੱਲ੍ਹਾ ਵਿਚਲੇ ਵਧ ਰਹੇ ਫਸਾਦ ਨੂੰ।
ਮੈਂ ਤੇ ਦੂਰ ਖੜ੍ਹਾ ਦੇਖਦਾ ਹੀ ਰਹਿ ਜਾਂਦਾ ਹਾਂ,
ਫਿਰ ਮੱਥੇ ’ਤੇ ਹੱਥ ਰੱਖ ਕੇ ਬਹਿ ਜਾਂਦਾ ਹਾਂ।
ਖੂਨੀ ਖਬਰਾਂ ਪੜ੍ਹ ਖੁਦ ਵੀ ਲਹੂ ਲੁਹਾਨ ਹਾਂ,
ਮੈਂ ਹਿੰਦੋਸਤਾਨ ਦਾ ਬੇਬੱਸ ਇਨਸਾਨ ਹਾਂ।
* * *
ਸਾਹਿਤਕ ਇੰਟਰਨੈੱਟ ਮੈਗਜ਼ੀਨ "ਸ਼ਬਦ ਸਾਂਝ" 'ਤੇ ਆਪਜੀ ਦਾ ਨਿੱਘਾ ਸਵਾਗਤ ਹੈ । ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇਹ ਇੱਕ ਨਿਮਾਣਾ ਜਿਹਾ ਉੱਦਮ ਹੈ । "ਸ਼ਬਦ ਸਾਂਝ" ਦਾ ਕਿਸੇ ਵੀ ਰਾਜਨੀਤਿਕ, ਵਪਾਰਿਕ ਜਾਂ ਧਾਰਮਿਕ ਸੰਸਥਾ ਨਾਲ ਕੋਈ ਸਿੱਧਾ ਜਾਂ ਅਸਿੱਧਾ ਸੰਬੰਧ ਨਹੀਂ ਹੈ । ਆਪ ਜੀ ਦੇ ਹੁੰਗਾਰੇ ਦੀ ਭਰਪੂਰ ਆਸ ਰਹੇਗੀ ।
No comments:
Post a Comment